കവിത

ഇലയിലെ വായന

by ആറങ്ങോട്ടുകര മുഹമ്മദ്‌ മാർച്ച് 08, 2013

ഈ നില്‍പ്പില്‍

എല്ലാ ഇലയിലും

വേദനയും അതിന്‍റെ

വേവലാതിയും

കടക്കലും തലപ്പിലും

കണ്ണിലും കാതിലും

കാറ്റിനെപ്പോലെ

കൈകൊണ്ടോ

കാല്‍ക്കൊണ്ടോ

തട്ടുമ്പോഴും മുട്ടുമ്പോഴും

പകലിനെപ്പോലെ

പരിഹസിക്കുമ്പോള്‍

പാതിരാവിനെപ്പോലെ

പേടിപ്പിക്കുമ്പോള്‍

വെളുപ്പിലും കറുപ്പിലും

വിറയലും വിചാരങ്ങളും

ഉച്ചയായെന്ന്

വെളിച്ചത്തില്‍ നിന്ന്

ഒരിറ്റ്..

ഉറങ്ങുകയെന്ന്

നിലാവില്‍ നിന്നൊരു

തുള്ളി..

കാരുണ്യത്തുള്ളികള്‍

മാത്രം

മൂര്‍ദ്ധാവിലിറ്റിക്കുന്ന

ആകാശത്തെ

തപസ്സ്‌ ചെയ്തുകൊണ്ടുള്ള

ഈ നില്‍പ്പില്‍

എന്തും സഹിക്കും.

12 അഭിപ്രായങ്ങള്‍

Dr Premakumaran Nair Malankot2013 മാർച്ച് 9, 12:09 AM-ന്
കവി, സകല ജീവജാലങ്ങളിലും, ചരാചരങ്ങളിലും - പ്രപഞ്ചത്തില്‍ ആകമാനം കവിത കാണുന്നു. ഒരിലയെ നിരീക്ഷിച്ചപ്പോള്‍ ഭാവന ചിറകു വിടര്‍ത്തി - കവിത വിരിഞ്ഞത് മനോഹരം. ഭാവുകങ്ങള്‍.
മറുപടിഇല്ലാതാക്കൂ
മറുപടികൾ
സൗഗന്ധികം2013 മാർച്ച് 9, 12:34 AM-ന്
പ്രകൃതിയെ വായിക്കുന്നു..

ശുഭാശംസകൾ....
മറുപടിഇല്ലാതാക്കൂ
മറുപടികൾ
Gireesh KS2013 മാർച്ച് 9, 9:26 AM-ന്
പ്രിയപ്പെട്ട ഇക്ക,
വളരെ ഇഷ്ടമായി
നല്ല കവിതയാണ്
ഇലയുടെ സഹന ശക്തി അപാരം.
സ്നേഹത്തോടെ,
ഗിരീഷ്‌
മറുപടിഇല്ലാതാക്കൂ
മറുപടികൾ
പട്ടേപ്പാടം റാംജി2013 മാർച്ച് 9, 11:08 AM-ന്
ഇലയിലെ വായന സുന്ദരം.
മറുപടിഇല്ലാതാക്കൂ
മറുപടികൾ
ഭാനു കളരിക്കല്‍2013 മാർച്ച് 9, 9:42 PM-ന്
Nice one.
മറുപടിഇല്ലാതാക്കൂ
മറുപടികൾ
sony dithson2013 മാർച്ച് 9, 11:10 PM-ന്
ഈ ഇല ഇഷ്ടപ്പെടാന്‍ തുടങ്ങുന്നു .
മറുപടിഇല്ലാതാക്കൂ
മറുപടികൾ
Pradeep Kumar2013 മാർച്ച് 10, 7:27 AM-ന്
കാരുണ്യത്തുള്ളികള്‍ മാത്രം മൂര്‍ദ്ധാവിലിറ്റിക്കുന്ന ആകാശം
- നല്ല ഭാവന..... നല്ല കവിത
മറുപടിഇല്ലാതാക്കൂ
മറുപടികൾ
അമൃതംഗമയ2013 മാർച്ച് 10, 10:03 PM-ന്
പ്രകൃതീ.................നല്ല കവിത
മറുപടിഇല്ലാതാക്കൂ
മറുപടികൾ
ajith2013 മാർച്ച് 15, 5:19 AM-ന്
ഇലകളില്‍ നിന്ന് വായിയ്ക്കണം

നല്ല കവിത
മറുപടിഇല്ലാതാക്കൂ
മറുപടികൾ
റിനില്‍2013 മാർച്ച് 20, 8:07 PM-ന്
കൊള്ളാം.നന്നായിട്ടുണ്ട്
മറുപടിഇല്ലാതാക്കൂ
മറുപടികൾ
Sanjeev Damodaran2013 മാർച്ച് 22, 4:14 AM-ന്
നല്ല രചന ,ഇഷ്ടമായി ആശംസകള്‍
മറുപടിഇല്ലാതാക്കൂ
മറുപടികൾ
മുഹമ്മദ്‌ ആറങ്ങോട്ടുകര2013 മേയ് 5, 8:44 PM-ന്
വായനക്കും,വിലയേറിയ അഭിപ്രായങ്ങള്‍ക്കും എല്ലാ സുഹൃത്തുക്കള്‍ക്കും നന്ദി.
മറുപടിഇല്ലാതാക്കൂ
മറുപടികൾ

അഭിപ്രായം ചേര്‍ക്കുക

കഥ ഇങ്ങിനെ..
ആടിനെ മേയ്ക്കുന്ന മണി ഒരു കലീബക്ക് ഭക്ഷണം നല്‍കി.കലീബ ഒരു അത്തിപ്പഴക്കുരു കൊടുത്തു.അത്തിപ്പഴം തിന്നാന്‍ വരുന്ന തത്തയില്‍ നിന്നും ഒരു സമ്മാനം ലഭിക്കുമെന്നും പറഞ്ഞു.തത്തയെ പിടിച്ചപ്പോള്‍ ഒരു തൂവല്‍ ലഭിച്ചു.കണ്ണുകാണാത്ത പാത്തുവിനോട് തത്ത സംസാരിച്ചു. മരുത്വാമലയിലെ ഇരുള്‍ എന്ന മൂലികയുടെ നീര്‍ കണ്ണില്‍ ഒഴിച്ചാല്‍ കാഴ്ച്ച കിട്ടുമെന്നും പട്ടണത്തിലെ തട്ടാന് ആ മരുന്നിനെക്കുറിച്ച് അറിയാമെന്നും തത്ത പറഞ്ഞു. മണി പട്ടണത്തിലേക്ക് പോയി.വഴിയില്‍ കണ്ടുമുട്ടിയ കള്ളന്മാരെ പിന്തുടര്‍ന്നു കൊണ്ട് പട്ടണത്തിലുള്ള ഒരു വീട്ടിലെത്തി.ആ വീട്ടുകാരെ കവര്‍ച്ചക്കാരില്‍ നിന്നും രക്ഷിച്ചു.ഒടുവില്‍ അവന്‍ തട്ടാനെ കണ്ടെത്തി.ഒരു പെരുങ്കള്ളന്റെ മുന്നിലേക്ക് തട്ടാന്‍ അവനെ കൊണ്ടുപോയി.കള്ളന്‍ ഒരു ശോലമൂപ്പനെക്കുറിച്ച് പറഞ്ഞു.തട്ടാനേയും കള്ളനെയും പോലീസുകാര്‍ക്ക്‌ കാണിച്ചു കൊടുത്തശേഷം അവന്‍ ആ മൂപ്പനെ തേടി യാത്ര തുടര്‍ന്നു.ഒരു മുത്തശ്ശി അവനെ വിഷഹാരിയായ തന്റെ സഹോദരന്റെ അടുത്തെത്തിച്ചു. അദ്ദേഹത്തിന്‍റെ ആശിര്‍വാദത്തോടെ അവന്‍ ശോലമൂപ്പനെ കണ്ടെത്തി. അയാള്‍ അവനെ മരുത്വാമലയില്‍ എത്തിച്ചു.
തുടര്‍ന്നു വായിക്കുക..